「黒服限定GIG 2014」

**唔好意思今日係純廣東話仲要好多粗口

未出發就已經好撚興奮呀仆街!!!!!!!!!!!!!

居然同我再嚟黒服限定GIG，仲要係SLAVE限定嘅！老嘢你好嘢！！（吼）
講起上嚟都慚愧，自從幫我入會嘅agent執咗之後，我已經有兩年冇續會，變相已經退咗會，究其原因，都係一個字：懶！到今年啲Live消息陸續出嗰時，都曾經想過要再入會，去抽票，但係場場都有international網上買飛，咁又...冇入咯（毆）其實去到5.26即係今日嘅SLAVE Premium Live消息公佈時，都有一絲激動，心諗「做乜撚嘢唔入返個會呢？入咗咪可以抽囉～」不過自知機票行程都已定好，而且不是一人旅所以絕對有需要顧及同行友人嘅感受，唔可以亂嚟，所以一絲激動之後已經冇嘢。但係.....!!!! 呢班阿叔真係唔係講笑架～都話咗架啦，明明都已經夾咗廿幾年Band，都仲可以諗到啲嘢係驚嚇到爆，殺你一個措手不及嘅！而今日呢個就係6月8月嘅SLAVE限黑服限定GIG！FUCK！！我真係好想去8月嗰兩場啊仆街！！而且，7/27之前入返會都仲抽得切飛啊！！！屌你話而家點呀！？明明抽好晒俾好晒9月兩場北海道Live嘅錢，仲鬼死咁開心諗住去完529返嚟就可以著手plan下終於唔係東京嘅日本之旅，而家.....！！雖然8月機票係好撚貴但係SLAVE限喎！！SLAVE限喎！！！仲要係大阪，有Peach喎！！！你地真係想我點撚樣啫你講啦～！！！！！>口<

公司嗰度又係唔知點算，8月同9月其實都係瘋狂趕稿期，由零到有嘅一輯新書要趕，嗰段期間應該係同作者com好多嘢嘅時候！唉我都唔知點，9月係諗住勉勉強強請兩三日應該冇事；8月的話同今次個trip咁近，仲要錢又唔係多，仲要好衰唔衰啲同事一見我放假唔駛問都估到我係去日本（因為個個都知我鍾意日本嘢）真係想呃都呃唔住！

不過......唯一有樣嘢真係有迫切需要，就係........... 快撚啲入返個會啦!!!!!!! >"<






SLAVE
「黒服限定GIG 2014」

Zepp DiverCity (東京)
6月21日(土) 開場17:00 / 開演18:00
6月22日(日) 開場15:00 / 開演16:00

Zepp Namba (大阪)
8月23日(土) 開場17:00 / 開演18:00
8月24日(日) 開場15:00 / 開演16:00

DRESS CODE：黒服

料金￥8,000（税込/ドリンク代別途）


http://www.lunasea.jp/app-def/S-102/wp/news/slave/5089